Intza Bengoetxea akordeoi jaialdian zilarrezko domina

«HAUSPOZ» Euskal Herriko Akordeoi Elkarteak, pasa den asteburuan Arrasaten ospatu zen GIPUZKOA XXXIV. AKORDEOI JAIALDIA antolatu zuen Arrasateko Udalarekin, Gipuzkoako Foru Aldundiarekin eta Eusko Jaurlaritzarekin batera.
Akordeoia ikasten ari diren gazte eta gaztetxoen instrumentuarekiko zaletasuna sustatzea da Gipuzkoa Jaialdiaren helburua. Jendaurrean akordeoi jotzeko bizipena izatea du helburu nagusitzat, eta bakarkako eta ganbara musikako mailak hartzen ditu bere baitan Jaialdiak.
Jaialdi honetan ZUMARTE MUSIKA ESKOLAKO Intza Bengoetxea akordeoiko ikasleak parte hartu zuen eta A Mailan zilarrezko domina lortu zuen 29 punturekin. Intzak, derrigorrezko obra jotzeaz gain herrikoia den Andre Madalen fandangoa jo zuen.

ZORIONAK INTZA!!

PD: Argazkian Intza Bengoetxea bere irakasle Joxean Anduagarekin batera.