25/26 ikasturterako matrikulazioa
– DATA: Maiatzaren 26tik 30era (biak barne)
– MATRIKULA EGITEKO: www.zumarte.eus helbidean izen ematea on-line bete/bidali edo Zumarteko bulegoan inprimakia eskuz bete. Ordutegia-presentzialki: Asteartea eta osteguna 10:00-12:30 / 18:00-19:00
– ESKAINTZA: Musika txokoa, musika mintzaira, tronpeta, tronboia, saxofoia, biolina, perkusioa, kantu teknika, klarinetea, eskusoinua, trikitixa, panderoa, pianoa, txistua, gitarra, flauta, organoa, abesbatza eta talde instrumentalak.
– ORDAINKETA: Plaza kopuruen zozketak egin eta onartutako ikasleen zerrendak argitaratu ondoren, zuek adierazitako kontu korrontetik, ikaslea onartua izan den ikasgaien matrikulagatik ordaindu beharreko tasaren %10 kobratuko zaizue ekaina bukaeran, %40 iraileko lehen astean eta %50 abendua hasieran.
– Plaza banaketaren arautegia aplikatuko da.
MATRIKULEN PREZIOAK
| Ikasgaiak | Prezioa |
|---|---|
| Musika Txokoa (4-5-6-7 urte) | 150€ |
| Musika Txokoa + Instrumentua | 300€ +34€/hileko** |
| Musika Mintzaira | 150€ |
| Instrumentua | 150€ (Panderoa: 90€) +34€/hileko** |
| Musika Mintzaira + Instrumentua | 300€ |
Musika Mintzaira edo instrumentua egiten ez duten ikasleak
| Ikasgaiak | Prezioa |
|---|---|
| Abesbatza bakarrik | 90€ |
| Talde instrumentala bakarrik | 115€ +5€/hileko** |
| Abesbatza+Talde instrumentala edo 2 Talde | 120€ |
** Hileko kuotak 10 hilabetetan ordainduko dira
ORDUTEGIAK
HOBARIAK
- Familia ugarietan, izen-ematearen prezioan %40ko deskontua egingo zaio izen-emanda dagoen ikasle gazteenari (hileko kuotan ez dago deskonturik). Horretarako, familia ugariaren txartela ekarri beharko da bulegora.
- Unitate familiar bereko 3 senide edo gehiago izen-emanda dauden kasuetan, prezioan %40ko deskontua egingo zaio ikasle gazteenari (hileko kuotan ez dago deskonturik). Ikasle gazteenak bixkiak izanez gero, ikasle bati bakarrik egingo zaio deskontua.
OHARRAK
– Instrumentua ikasten hasten direnen artean (tronboia, saxofoia, tronpeta edo biolina), nahi izanez gero eta ikasleentzat egokiak badira (tamaina etab.), Zumartek dituen instrumentuak urtebetez utziko zaizkie. Galdetu bulegoan edo bulegoa@zumarte.eus helbidean.