Ekainak 14an, 40.Urteurrenari bukaera emango dion ekitaldi nagusia egingo da. Zumarteren historia kontatuko duen IBILBIDE MUSIKATUA + BAZKARIA antolatu ditugu. Ibilbidea 11:00-13:00 bitarte izango da, ondoren txaranga eta gero bazkaria.
Zumarte 25/26 ikasturterako matrikulazio garaia iritsi da. Maiatzak 26-30 bitarte egin beharko da hurrengo ikasturterako aukeraketa: ⇒MATRIKULAZIOA HEMEN⇐ MATRIKULAZIO ARAUTEGIA ORDUTEGIAK
Aurten ere, Zumarteren 40.urteurrenean, ezin Soinurbil musika asteaz ahaztu. XXI. edizioa dugun honetan, Martxoan zehar ekintza ugari antolatu ditugu guztion gozamenerako.
Zumarte Musika Eskola 1984. urtean sortu zen, Usurbilgo Txistulari Taldeko zenbait partaideren ekimenez. Erakunde autonomo bezala, honen helburua, kultura musikala eta gehienbat euskal musika, Usurbilgo herrian zabaltzea eta suspertzea da.
