XV. Soinurbil Musika Astea-Organo erakustaldia

Gaur XV. Soinurbil Musika Astearen barruan, Joan Luis Atxegaren eskutik Usurbilgo elizako Organoa ezagutzeko aukera izango dugu.

Usurbilgo Organoa berezia da, 1907an Parisen eraiki zen Cavailé-Coll lantegietan. Bere lehen jabea ospe handiko baroi frantses bat izan zen, L’Espée baroia. Ibaritzen, Baionatik gertu, zuen jauregirako enkargatu zuen organoaren eraikuntza. Lehen Mundu Gerra ondorengo dirueskasiak zirela eta, baroiak bere ondasun batzuk saldu egin behar izan zituen eta horien artean, organo eder hau. 1920. urte inguruan Usurbilgo Salbatore Parrokiak hain baliotsua den tresna hau erosi zuen herritar batzuen ahalegin ekonomikoari esker.

Adi! Gaur saio bakarra egongo da, arratsaldeko 18:00etan. 19:00etako saioa  hurrengo astelehenean Apirilak 8an ospatuko da. Bi saioetan sarrera librea izango da.

Argazkia: Noaua kultur elkartea.