Mihi bakuneko haize-instrumentua, tutu konikoa eta giltzak dituena. Metalezkoa da, baina zurezkoen taldean sailkatzen da. Adolphe Sax-ek asmatutako instrumentu-familia da.
Hainbat tamaina eta afinaziotakoak daude; horietatik arruntenak dira sopranoa (si b), altua (mi b), tenorra (si b) eta baritonoa (mi b). Tutu zuzena duen sopranoa izan ezik, gainerakoak tutu ukondotua dute. Bandetan, jazzean eta herri-musikan erabiltzen dira batez ere.