Tronpeta, tutu zilindrikoa duen metalezko haize-instrumentua. Hainbat tamaina eta afinaziotakoak daude. Arruntena soprano-erregistrokoa (si b) da; ‘do’ tronpeta ere aski arrunta da orkestran. Orkestrako instrumentua da, eta garrantzi handia du jazzean, musika afrokubatarrean eta hainbat herri-musikatan.
Tronboia, metalezko haize-instrumentua da, tutuaren luzeraren parte handienean zilindrikoa dena, eta tenor edo baxuaren erregistrokoa izan daitekeena. Arruntena ‘si b’ tronboi tenorra da.