Santa Zezilia eta Euskaraldia

Aurten Santa Zeziliari omenezko ekitaldian Euskaraldiarekin bat ere egingo dugu.

18:00tan hasita “Musikalean” kalejira izango da. Kalejiran Musika Txokoa 3 eta 4, Musika Mintzaira 1, Triki-Pandero taldeak eta Txarangak parte hartuko dute. Ibilbidea Udala, frontoia, Askatasuna plaza, Artzabal eta Mikel Laboa plaza izango da. Bertan Euskaraldirako Uxue Alberdik idatzitako koplak abestuko dira.

Kalejira eta gero, 19:00tan, Sutegin Kontzertua eskainiko da. Kontzertuan Trikitilariak, Piano bakarlariak, Gitarra taldeak, Biolin hirukoteak, txaranga eta Abesbatzak parte hartuko dute. Beti bezala, sarrera doan izango da edukiera osatu arte.